Charter Document - 03320092
| Charter Number: | 03320092 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, Calendar, Episcopal |
| Resource Link(s): |
Durham Cathedral Archive - Register I (fii15v) |
Charter:
Omnibus Cristi fidelibus ad quos presens scriptum pervenerit Walterus dei gratia Dunelm episcopus salutem in domino Noveritis nos dedisse concessisse et hac presenti carta nostra confirmasse dilecto et fideli militi nostro domino Gilberto Haunsard sex decem acras terre cum pertinentiis de vasto nostro ex occidentali parte vie que vulgariter dicitur Meldredegate iuxta boscum nostrum prope dictam viam ad faciendam unam vaccariam ad opus suum in vasto supradicto ita tamen quod plura animalia et pecora in eodem vasto aliquibus temporibus vel de propriis aut alienis non faciat agi stari per que animalia et pecora pasture super onerentur vicine seu circumiacenti habendas et tenendas dicto Gilberto et heredibus suis de nobis et successoribus nostris libere quiete integre et pacifice ut supradictum est inperpetuum reddendo inde annuatim nobis et successoribus nostris quatuor solidos ad quatuor anni terminos in episcopatu Dunelm constitutos videlicet ad quemlibet terminum duodecim denarios pro omni seculari servicio exactione et demanda Quod ut ratum et stabile inposterum perseveret presenti carte nostre quam sibi inde fieri fecimus sigillum nostrum duximus apponendum Hiis testibus dominis Iohanne de Eggesclyve tunc senescallo nostro Marmeduco filio Galfridi Eudone de Punchardon Willelmo de Levingthorp Iohanne de Bradeleye Galfrido de Henneknoll Willelmo Pollard Willelmo de Bynecestr Waltero de Camera et aliis Datum apud manerium nostrum de Rykehall xii die Iulii pontificatus nostri anno decimo