Charter Document - 03320091
| Charter Number: | 03320091 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 - 1260 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus dei gratia Dunelm episcopus salutem in domino sempiternam Noverit universitas vestra nos pro nobis et successoribus nostris dedisse concessisse et hac presenti carta nostra confirmasse dilecto servienti nostro Iohanni Halden pro homagio et servitio suo septies viginti et sexdecim acras terre de mora nostra in campo de Esington per divisas subscriptas videlicet incipiendo apud Coves et sic per rivulum de Besepol et sic versus occidentem usque Houstrete et sic per Houstrete usque Houhope versus aquilonem et sic per Houhope versus orientem usque Pesehopeburn et inde usque Petereford et sic per sikettun de Petekerford versus autrum usque Coveburn et inde extendendo usque Coves habendas et tenendas eidem Iohanni et heredibus suis vel suis assignatis de nobis et successoribus nostris in feodo et hereditate libere quiete pacifice et integre cum omnibus libertatibus utilitatibus et aysiamentis que ad predictam terram spectant vel spectare poterunt in pratis et planis viis et semetis in turbariis communis et pasturis in introitibus et exitibus tam infra villam quam extra inperpetuum reddendo inde annuatim nobis et successoribus nostris ad scaccarium nostrum Dunelm quatuor libras sterlingorum ad quatuor terminos in episcopatu constitutos reddendo etiam duos solidos pro communi auxilio cum aciderit et faciendo sectam ad tria capitalia placita per annum apud Dunelm pro omni servitio consuetudine exactione et demanda seculari Quare volumus et firmiter precipimus pro nobis et successoribus nostris quod predictus Iohannes et heredes sui vel sui assignati predictas septies viginti et sexdecim acras terre cum omnibus libertatibus et aliis pertinentiis suis prout plenius supradictum est sine ullo retinemento in feodo et hereditate libere quiete et integre possideant et teneant inperpetuum In cuius rei testimonium sigillum nostrum presenti scripto fecimus apponi His testibus magistris Willelmo de Merwe et Rogero de Seyton dominis Marmeduco filio Galfridi Iohanne de Eggescl senescallo nostro Gilberto de Laton Ricardo Harpyn Ada de Fulthorp Rogero de Applyngden et Thoma de Heryngton militibus Roberto le Burs et Ada de Scartheburg capellanis nostris Iohanne de Clyfton Galfrido de Elme Rogero de Scartheburg clericis et multis aliis