Charter Document - 03320089
| Charter Number: | 03320089 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1259 |
| Date type: | Internal, A.D., Episcopal, Feast |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Walterus dei gratia Dunelmensis episcopus salutem in salutis auctore Noverit universitas vestra nos concessisse et presenti scripto confirmasse deo et ecclesie sancte Marie de Gyseburne et canonicis ibidem deo servientibus et servituris donationes concessiones et confirmationes quas fecerunt eis venerabiles patres ac predecessores nostri Dunelmenses episcopi accedente consensu Dunelmensis capituli in quibus hiis propriis duximus exprimenda vocabulis ecclesias de Hertenes quas eis donavit Rannulphus bone memorie Dunelm episcopus et capellam sancte Hilde de Hertrepol ad ecclesiam de Hertrepol pertinentem quam eis confirmavit bone memorie Philippus Dunelmensis episcopus et ecclesiam de Stranton cum capella de Seton quas eis confirmavit bone memorie idem Philippus quas ecclesias et capellas eis confirmavit capitulum Dunelmense Insuper manerium de Tremdon cum pertinentiis quod eis donavit in liberam puram et perpetuam elemosynam bone memorie Ricardus secundus Dunelmensis episcopus quondam episcopus Salesbyr accedente consensu capituli Dunelmensis et confirmatione domini regis Henrici et capellam eiusdem ville quam eis donavit bone memorie Ricardus primus Dunelmensis episcopus accedente consensu sui capituli et manerium de Castel Eden quod eis donavit Ivo de Seton et quod eis confirmavit bone memorie Nicholaus Dunelmensis episcopus accedente sui capituli confirmatione sicut in cartis et confirmationibus predictorum episcoporum et Dunelmensis capituli prospeximus contineri Ad cuius rei perpetuam memoriam presenti scripto sigillum nostrum iussimus apponi Datum apud Stoketon in crastino sancti Barnabe apostoli anno gratie MCCL nono pontificatus nostri anno decimo