Charter Document - 03320078
| Charter Number: | 03320078 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 |
| Date type: | Internal, A.D. |
| Resource Link(s): |
Durham Cathedral Archive - Cartulary III (f288v) Durham Cathedral Archive - Cartulary II (f94r) |
Charter:
Universis Cristi fidelibus presentem cartam visuris vel audituris Walterus dei gratia Dunelm episcopus salutem in domino sempiternam Noverit universitas vestra nos intuitu dei et pro salute anime nostre et antecessorum ac successorum nostrorum concessisse dedisse et presenti carta nostra confirmasse dilectis in Cristo Hugoni priori et monachis nostris Dunelm ducentas et sexdecim acras terre de bosco et vasto nostro in valle de Horseleyhop a boreali parte eiusdem vallis versus austrum per certas metas et divisas subscriptas videlicet ab illo loco ubi Hystleyhopeburn descendit in Horsleyhopeburn ascendendo versus austrum usque Wayneford in longitudine et sic de Wayneford ascendendo usque ad australem angulum muri vaccarie prioris et sic per eundem murum descendendo usque ad borealem angulum eiusdem muri et a boreali angulum in traverso usque ad Whychegat et sic per Whychegat descendendo usque in Hystleyhopeburn et sic descendendo per Hystleyhopeburn usque in Horsleyhopeburn habendas et tenendas prefatis priori et monachis Dunelm et eorum successoribus in liberam puram et perpetuam elemosinam cum omnibus commoditatibus et aysiamentis suis que infra predictas divisas habere poterunt Concessimus etiam prefato priori et successoribus suis et monachis predictis quatenus ad nos pertinet quod possint predictas ducentas et sexdecim acras terre claudere et inde commodum suum facere prout magis sibi viderint expedire salvo tamen quod fere bestie ingressum liberum habeant et egressum et salvis nobis et successoribus nostris venatione et ayris avium silvestrium infra clausturam antedictam Quare volumus et firmiter precipimus pro nobis et successoribus nostris quod predicti prior et monachi Dunelm et eorum successores predictas ducentas et sexdecim acras bosci et vasti ut predictum est habeant et teneant bene et in pace integre et sine alicuius impedimento et contradictione in liberam puram et perpetuam elemosinam sicut aliqua elemosina melius habetur et possidetur inperpetuum In cuius rei testimonium sigilli nostri munimine fecimus presentem cartam roborari Hiis testibus magistris Willelmo de Merw Rogero de Sayton Galfrido de Sancta Agatha et Roberto de Kyrcham dominis Roberto de Nevill Gilberto Hansard Marmeduco filio Galfridi Thoma de Heryngton Philippo de Lega Ricardo Harpyn Rogero de Applyngden Ada de Fulthorp et Galfrido de Parcho militibus Iohanne de Eggescl senescallo nostro Petro de Bramdon Iohanne de Bel Iohanne de London capellano nostro et Galfrido de Elm clerico Roberto de Kyrkham Galfrido de Eggescl Waltero de Ludewrth Roberto de Hessewell Galfrido de Northampton Iohanne de Holneset serviente et aliis Dat per manum nostram apud Rykehalle xiii die mensis Iulii anno domini MCC sexagesimo