Charter Document - 03320077
| Charter Number: | 03320077 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1260 |
| Date type: | Internal, A.D., Episcopal |
| Resource Link(s): |
Durham Cathedral Archive - Register I (fii11r) Durham Cathedral Archive - Cartulary I (f92r) Durham Cathedral Archive - Cartulary II (f94r) |
Charter:
Omnibus Cristi fidelibus presens scriptum visuris vel audituris Walterus dei gratia Dunelm episcopus salutem in domino Sciatis nos concessisse et licenciam dedisse dilectis in Cristo filiis dominis Hugoni priori et conventui Dunelm ecclesie boscum suum in territorio ville sue de Muclingwic cum terra sua adiacente includendi et liberum parcum faciendi sine saltatorio cum omnibus libertatibus et liberis consuetudinibus que ad librum parcum inclusum pertinere dinoscuntur secundum has divisas videlicet incipiendo ab oriente de Flaynardysburg et tendendo versus occidentem usque e contra ecclesiam et ab illo loco versus aquilonem usque ad manerium dictorum prioris et conventus et a manerio predicto versus occidentem usque ad magnum stratum quod vocatur Balyolfgate et ab illo loco versus aquilonem usque ad pontem qui vocatur Thoraldebrigge et ita in longitudinem iuxta aquam de Derewente versus orientem usque Flaynardisburg Quare volumus et firmiter precipimus pro nobis et successoribus nostris quod predicti prior et conventus et eorum successores imperpetuum habeant ibidem parcum suum liberum ita quod nullus dictum parcum intret ad fugandum vel aliquid capiendum vel dictum parcum infringendum nisi de voluntate et licencia dictorum prioris et conventus vel suorum successorum In cuius rei testimonium presenti scripto sigillum nostrum pontificale fecimus apponi Hiis testibus dominis Iohanne de Balliolo Roberto de Nevyll Marmeduco filio Galfridi Willelmo de Feugers militibus magistris Roberto archidiacono Dunelm Willelmo de Merwe Rogero de Seyton Iohanne Gylet de Eggesclyve tunc senescallo nostro Iohanne le Bosce et multis aliis Dat apud Midelham primo die Ianuarii pontificatus nostri anno undecimo et anno gratie millesimo ducentesimo quinquagesimo nono