Charter Document - 03320074
| Charter Number: | 03320074 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1256 |
| Date type: | Internal, Calendar, Episcopal |
| Resource Link(s): |
People of Medieval Scotland |
Charter:
Omnibus Cristi fidelibus ad quos presens scriptum pervenerit Walterus dei gratia Dunelmens episcopus salutem in domino Inter preclaros Cristi confessores quorum presentia corporalis Anglicane patrocinatur ecclesie beatus Cuthbertus non mediocre sanctitatis preconium dinoscitur optinere nec inmerito laudibus humanis attolitur cuius meritis infirmi sanitatis gratiam consequuntur citius Caro carie carens et prorsus integra perseverans dormientem potius quam mortuum representare videtur membra namque beati viri incorupta penitus manere non solum venerabilis Bede presbiteri scriptura testatur verum etiam quam plurimum sanctorum asserunt testimonia et ipsius sanctissimi corporis translatio evidentissime comprobavit Nos igitur tanti confessoris considerantes insignia de dei misericordia et gloriose virginis Marie necnon et beatorum apostolorum Petri et Pauli ac omnium sanctorum confidentes suffragiis omnibus de peccatis suis vere contritis et confessis qui ad feretrum eius devotionis et orationis causa advenerint et de bonis sibi a deo collatis feretro suo cum devotione attulerint de iniuncta sibi penitentia xl dies misericorditer relaxamus in perpetuum Omnes etiam indulgentias a quibuscumque episcopis predicto feretro caritatis intuitu misericorditer concessas ratas et gratas habentes et in perpetuum duraturas auctoritate nostra confirmamus quarum etiam indulgenciarum numerum et nomina episcoporum ad maiorem securitatem propriis vocabulis presentibus duximus inserere videlicet a domino Silvestro Karl episcopo xl dies a domino Gilberto episcopo Candide Case xl dies anno gratie MCCXLVIII vii kal Novembris item ab eodem singulis diebus in perpetuum ad quodlibet quinque altarium in fronte ecclesie ab ipso consecratorum xl dies anno gratie MCCLIII a domino Thoma Egdun episcopo xxx dies a domino Clemente episcopo Dubblan xx dies anno gratie MCCLIII kal Maii item ab eodem eodem anno non Iunii xl dies in consecratione maioris altaris singulis diebus inperpetuum a domino Albino episcopo Breyens xl dies a domino Ricardo Sodorens Mannens et Insularum episcopo xl dies a domino Abel episcopo sancti Andre xl dies iiii non Iunii anno gratie MCCLIIII a domino W Norwic episcopo xl dies vi idus Septembris eodem dominice incarnationis a domino Ricardo Dunkeldens episcopo xl dies in crastino sancte Lucie virginis anno proximo supradicto item a domino Roberto Rossens episcopo xl dies a domino Willelmo Catanens episcopo xl dies a domino Ysaac Conorens episcopo xl dies et a Alano Ergadiens episcopo xl dies Quorum omnium cartas inspeximus Dat apud Aucland viii idus Aprilis pontificatus nostri anno septimo