Charter Document - 03320073

Omnibus Cristi fidelibus ad quos presens scriptum pervenerit Walterus dei gratia Dunelm episcopus eternam in domino salutem Quoniam qui parce seminat parce et metet et qui seminat in benedictionibus de benedictionibus metet vitam eternam nos dispensatione nobis credita omnibus Cristi fidelibus non solum erogare triticum verbi dei verum etiam ad eterne messionis manipulos recolligendos animos ipsorum accendere debitores nos recognoscentes confisi de dei merita et beate Marie virginis et beati Edmundi et beate Katerine virginis omnibus vere contritis lis [] qui devotionis vel orationis causa ad capellas de Beurepar in honore dictorum sanctorum advenerint de mi[] tencia quatraginta dies relaxamus Ratificamus etiam et gratam acceptamus quicunque a quibuscumque episcopis causa devotionis ad easdem capellas omnibus venire volentibus de iniuncta sibi penitentia provide fuerit indultum prout in scriptis eorum continetur vel in posterum provide indulgendum Dat apud Beurepar iii kal Februarii pontificatus nostri anno septimo