Charter Document - 03320072

Omnibus Cristi fidelibus ad quos presens scriptum pervenerit Walterus dei gratia Dunelmensis episcopus salutem in domino Inter preclaros Cristi confessores quorum presentia corporalis Anglicane patrocinatur ecclesie beatus Cuthbertus non mediocre sanctitatis preconium dignoscitur optinere nec inmerito laudibus humanis attollitur cuius meritis infirmi sanitatis gratiam consecuntur citius Caro carie carens et prorsus integra perseverans dormientem potius quam mortuum representare videtur membra namque beati viri incorrupta penitus manere non solum venerabilis Bede presbiteri scriptura testatur verum etiam quam plurimum sanctorum asserunt testimonia et ipsius sanctissimi corporis translatio evidentissime comprobavit Nos igitur tanti confessoris considerantes insignia de dei misericordia et gloriose virginis Marie beatorum apostolorum Petri et Pauli ac omnium sanctorum confidentes suffragiis omnibus de peccatis suis vere contritis et confessis qui ad feretrum eius devotionis et orationis causa advenerint et de bonis sibi a deo collatis ferettro suo cum devotione attulerint de iniuncta sibi penitentia quadraginta dies misericorditer relaxamus in perpetuum Omnes etiam indulgentias a quibuscumque episcopis predicto feretro caritatis intuitu misericorditer concessas ratas et gratas habentes et in perpetuum duraturas auctoritate nostra confirmamus quarum etiam indulgenciarum numerum et nomina episcoporum ad maiorem securitatem propriis vocabulis presentibus duximus inserere videlicet a domino Silvestro Karleoliensis episcopo xl dies a domino Gilberto episcopo Candide Case xl dies anno gratie MCCXLVIII vii kalendas Novembris item ab eodem singulis diebus in perpetuum ad quodlibet quinque altarium in fronte ecclesie ab ipso consecratorum xl dies anno gratie MCCLIII a domino Thoma Egdun episcopo xxx dies a domino Clemente episcopo Dubblan xx dies anno gratie MCCLIII kalendas Maii item ab eodem eodem anno non Iunii xl dies in consecratione maioris altaris singulis diebus inperpetuum a domino Albino episcopo Breyensis xl dies a domino Ricardo Sodorensis mannens et Insularum episcopo xl dies a domino Abel episcopo sancti Andree xl dies iiii nonas Iunii anno gratie MCCLIIII a domino Walterus Norwycensis episcopo xl dies vi idus Septembris eodem dominice incarnationis a domino Ricardo Dunkeldensis episcopo xl dies in crastino sancte Lucie virginis anno proximo supradicto Quorum omnium cartas inspeximus Datum apud Auclent quarto kalendas Februarii pontificatus nostri anno sexto