Charter Document - 03320058
| Charter Number: | 03320058 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1260 |
| Date type: | Assigned |
| Resource Link(s): |
Durham Cathedral Archive - Misc.Ch.6146* Durham Cathedral Archive - Register I (fii14v) |
Charter:
Omnibus Cristi fidelibus ad quos presentes littere pervenerint Walterus dei gratia Dunelmensis episcopus salutem in domino Noverit universitas vestra nos dedisse concessisse et presenti carta nostra confirmasse pro nobis et successoribus nostris inperpetuum Radulpho filio Thome de Corneford et heredibus suis pro homagio et servitio suo quatuor bovatas terre cum toftis et croftis et omnibus pertinentiis suis in villa de Corneford et duodecim acras terre in campo de Corneford iacentes iuxta magnum stratum versus Cokeshowe et iuxta Thinneford quas dictus Radulphus et antecessores sui prius tenuerunt Concedimus etiam et confirmamus pro nobis et successoribus nostris eidem Radulpho illas sex decem acras terre et dimidiam in una clausura super Pelepottis quas idem Radulphus habuit de traditione bone memorie Nicholai Dunelmensis episcopus predecessoris nostri pro quibus omnibus antedictis terris toftis et croftis et eorum pertinentiis nobis et predecessoribus nostris ad scaccarium nostrum Dunelmensis viginti solidos sterlingorum per annum reddere consuevit reddendo inde annuatim de cetero nobis et successoribus nostris ad scaccarium nostrum predictum triginta et tres solidos et quatuor denarios ad quatuor terminos in episcopatu nostro constitutos et faciendo nobis inde rationabile auxilium quando communiter positum fuerit in episcopatu nostro et faciendo sectam ad tria capitalia placita per annum apud Dunelmensis et molendo bladum quod creverit de predictis terris quantum molere tenetur ad molendinum nostrum de Corneford ad tertium decimum vas pro omni alio servitio consuetudine et exactione seculari Quare volumus et firmiter precipimus pro nobis et successoribus nostris quod idem Radulphus et heredes sui predictas quatuor bovatas terre cum toftis et croftis una cum prenominatis libertatibus et aysiamentis predictis terris pertinentibus infra villam de Corneford et extra sine ullo retine mento libere quiete integre in feodo et hereditate possideant et teneant inperpetuum Et in huius rei testimonium hoc presens scrpitum sigilli nostri appositione roboravimus Hiis testibus magistris Roberto de Sancta Agatha tunc archidiacono Dunelmensis Galfrido fratre suo Willelmo de Merwe et Rogero de Seton dominis Marmeduco filio Galfridi Iohanne de Eggesclif tunc senescallo nostro Gilberto de Laton Ricardo Hoppen et Rogero de Applindon Adam de Fultorp Waltero de Hanlam et Ricardo de Yeland militibus Iohanne Halon tunc vicario Dunelmensis Petro de Brandon Galfrido de Elm Iohanne de Clyfton clericis Rogero de Aucland Iohanne de Hythegranes et aliis