Charter Document - 03320056
| Charter Number: | 03320056 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 - 1260 |
| Date type: | Assigned |
| Resource Link(s): |
Durham Cathedral Archive - Cartulary II (f96r) |
Charter:
Omnibus Cristi fidelibus ad quos presens scriptum pervenerit Walterus dei gratia Dunelm episcopus salutem in domino Noveritis nos concessisse dedisse et hac presenti carta nostra confirmasse dilecto et fideli servienti nostro Thome de Katesden pro homagio et servicio suo unum toftum et croftum quod fuit quondam Radulfi de Hyll et decem et octo acras terre quas idem Radulfus de nobis et predecessoribus nostris tenuit et unum aliud toftum et croftum que Ricardus Turner olim de nobis tenuit in villa de Stanhope cum omnibus pertinentiis eorundem habenda et tenenda eidem Thome et heredibus vel assignatis suis de nobis et successoribus nostris libere et quiete bene et in pace reddendo inde annuatim nobis et successoribus nostris ad scaccarium nostrum Dunelm sex solidos et decem denarios ad quatuor terminos in episcopatu Dunelm constitutos videlicet pro predictis tofto et crofto et decem et octo acris terre que fuerunt prefati Radulfi sex solidos et quatuor denarios et pro predictis tofto et crofto que fuerunt prefati Ricardi sex denarios et faciendo sectam ad molendinum nostrum de predicta terra debitam et consuetam pro omnibus aliis serviciis consuetudinibus exactionibus sectis curie et demandis excepto rationabili auxilio cum per totum episcopatum Dunelm commune auxilium fuerit impositum Quare volumus concedimus et firmiter precipimus pro nobis et successoribus nostris quod predictus Thomas heredes vel assignati sui habeant et teneant predicta duo tofta et crofta cum predictis decem et octo acris terre pro servicio prenominato sicut predictum est Quod ut ratum et stabile in posterum perservet presenti scripto sigillum nostrum fecimus apponi Hiis testibus dominis Marmeduco filio Galfridi Iohanne de Eggescl tunc senescallo Roberto Bursar magistro Willelmo de Merwe Iohanne le Bel Petro de Bromdon Rogero de Waltham Galfrido de Elme Rogero de Auclend Iohanne de Bradeleg Rogero Marescall de Stanhope Galfrido de Henneknoll Willelmo de Levyngthorp Willelmo del Hyll Willelmo filio Radulfi Willelmo Pollard et aliis