Charter Document - 03320054

Omnibus Cristi fidelibus ad quos presens scriptum pervenerit Walterus dei gratia Dunelm episcopus salutem Sciatis nos dedisse concessisse et hac presenti carta nostra confirmasse dilecto in Cristo filio nostro Roberto le Burser rectori ecclesie de Cestr quadraginta acras terre infra divisas illius terre quam Iordanus Heyrun aliquando tenuit in manerio de Stanhop Dedimus et concessimus eidem Roberto vaccariam de Horsele cum toto prato de Horsele ita quod possit claudere dictum pratum ad comodum suum secundum consuetudinem foreste nostre habendas et tenendas eidem Roberto toto tempore vite sue una cum pastura ad quadraginta vaccas et ad sectam earum trium annorum in alta foresta nostra et similiter cum pastura ad equitium triginta equarum et ad sectam earum trium annorum in eadem foresta una cum tauris et stalonibus qui ad dictas vaccarias et ad dictum equitium fuerint necessarii reddendo inde nobis et successoribus nostris ad scaccarium nostrum Dunelm duos solidos argenti per annum ad terminos in episcopatu nostro constitutos pro omni servitio Volumus etiam et concedimus quod toto tempore vite sue a prestatione decimarum ex dictis vaccariis et equitio cum eorum sequela provenientium liber sit et quietus ita scilicet quod post cessionem vel decessum ipsius Roberti dicte quadraginta acre una cum pastura predicta ad nos et successores nostros cum sua integritate revertentur In cuius rei testimonium presenti scripto sigillum nostrum fecimus apponi Hiis testibus dominis Willelmo de Middilton Marmeduco filio Galfridi et Roberto de Creppint tunc senescallo nostro magistris Roberto de Sancta Agatha archidiacono Dunelm Americo archidiacono Northumbr et Willelmo de Merue domino Iohanne de London Ricardo de Sancto Edmundo capellanis Iohanne Le Bel Gilberto de Rokeby clericis Willelmo de Levynthorp Iohanne de Bradeley Galfrido de Henneknol Rogero de Aucland et aliis