Charter Document - 03320053
| Charter Number: | 03320053 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 |
| Date type: | Internal, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus dei gratia Dunelm episcopus salutem in domino Noverit universitas vestra nos dedisse concessisse et hac presenti carta nostra confirmasse dilecto et fideli nostro Petro de Brandon triginta acras terre de vasto nostro quarum viginti quatuor acre iacent inter Stocfoldesburne et terram quam Thomas de Gatesden habet de dono nostro et abbutant ad unum capud super Rochoppesburne et aliud capud super meam versus Stanhopp et sex acre iacent ad capta terre quam idem Thomas habet de dono nostro tenendas et habendas eidem Petro et heredibus vel assingnatis suis de nobis et successoribus nostris in feodo et hereditate libere et quiete bene et in pace in boscis pratis pascuis pasturis viis semitis et aquis et in omnibus aliis pertinentiis suis et quod libere et sine contradictione possint capere estoneria sua ad edificandum in dicta terra et ad husbote et haybote et ad ardendum in foresta nostra et quod sint quieti de pannagiis tallagiis auxiliis chiminagiis sectis molendinorum inperpetuum reddendo inde nobis et successoribus nostris ad scaccarium nostrum Dunelm decem solidos argenti ad quatuor anni terminos in episcopatu constitutos pro omni alio servicio consuetudine secta curie et omni alia exactione seculari et demanda Nos autem et successores nostri totam illam terram prenominatam cum omnibus petinentiis sicut prescriptum est predicto Petro et heredibus vel assignatis suis pro predicto servicio contra omnes homines warantizabimus acquietabimus et defendemus inperpetuum Et ut hec donacio concessio et carte nostre confirmatio rata et stabilia permaneant inperpetuum presenti carte nostre sigillum nostrum fecimus apponi Hiis testibus dominis Willelmo de Middelton Marmeduco filio Galfridi Willelmo Basset Eudone de Punchardon Ricardo de Yeland militibus Ada de Bradeleya Willelmo de Levingthorp Iohanne de Bradel Thoma de Cattesden Thoma de Ravenethorp Willelmo de Wynterse clerico et aliis Dat per manum nostram apud Auclent xiiii die Martii pontificatus nostri anno octavo