Charter Document - 03320041
| Charter Number: | 03320041 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, Episcopal |
| Resource Link(s): |
Durham Cathedral Archive - Register I (fii8v) |
Charter:
Omnibus Cristi fidelibus presentem cartam visuris vel audituris Nicholaus dei gratia Dunelm episcopus salutem Ad universitatis vestre notitiam volumus pervenire nos concessisse dedisse et hac carta nostra confirmasse Willelmo filio Willelmi de Sadberge pro homagio et servicio suo et specialiter pro bono et fideli obsequio nobis et ecclesie nostre diligenter impenso totam villam de Buterwyk tam in dominicis quam in serviciis villanis et eorum sequelis et catallis in homagiis wardis releviis redditibus et exchaetis et in omnibus aliis proficuis que aliquo tempore inde poterunt provenire quam villam Rogerus filius Willelmi de Buterwyk de nobis tenuit in dengagio et quam nobis reddidit et de se et heredibus suis in perpetuum quietam clamavit cum predictis pertinentiis suis pro quadraginta marcis argenti quas ei dedimus pro eadem tenendam et habendam eidem Willelmo et heredibus suis de nobis et successoribus nostris in feodo et hereditate libere quiete pacifice et integre cum omnibus pertinentiis suis sine aliquo retenemento reddendo inde annuatim nobis et successoribus nostris ad scaccarium nostrum Dunelm decem marcas argenti ad quatuor terminos in episcopatu constitutos in recompensationem servicii quod nobis et successoribus nostris debebatur dum predicta villa de nobis et predecessoribus nostris in dengagio tenebatur et faciendo inde forinsecum servicium quantum pertinet ad sextam partem feodi unius militis et sectam singulis annis ad tria capitalia placita curie nostre Dunelm pro omnibus aliis serviciis Volumus etiam et concedimus quod heredes dicti Willelmi qui legittime fuerint etatis dent nobis et successoribus pro certo relevio suo decem marcas argenti nisi prius in custodia nostra vel successorum nostrorum ratione minoris etatis extiterint Nos vero et successores nostri predictam villam de Buterwyk cum omnibus pertinentiis suis prout predictum est dicto Willelmo et heredibus suis contra omnes warantizabimus in perpetuum In huius rei testimonium presentem cartam sigillo nostro signatam eidem Willelmo fieri fecimus Dat apud Derlington vicesimo octavo die Martii pontificatus nostri anno septimo Testibus magistris Odone de Kylkenny et Willelmo de Manefeld dominis Galfrido de Forest Willelmo de Blockeley Roberto de Sancto Albano Willelmo de Bromham Waltero de Eggesclive Marmaduco filio Galfridi Thoma de Herington Iordano de Dalden Iohanne Gylet Waltero de Seleby Ada de Bradeley Laurencio de Ponthorp Ricardo de Scutevill et aliis