Charter Document - 03320034
| Charter Number: | 03320034 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Nicholaus dei gratia Dunelm episcopus eternam in domino salutem Pia fidelium vota piis operibus prosequi volentes ac servorum dei et pie genetricis sue tranquillitati prospicere cupientes dilectis in Cristo filiis abbati et monachis Novi Monasterii decimas grangie sue de Strattona quas propriis usibus deputatas ac sibi per venerabilem quondam predecessorem nostrum Ricardum Dunelm episcopum possident confirmatas auctoritate pontificali et presentis scripti patrocinio confirmamus imperpetuum possidendas eisdem cum debita earum integritate solvendo inde annuatim matri ecclesie de Wercworth sex marcas argenti sicut illas a tempore antiquo iuste solvere consueverunt Dat apud Midhurst vicesimo die Aprilis pontificatus nostri anno quarto