Charter Document - 03320028
| Charter Number: | 03320028 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1249 |
| Date type: | Assigned |
| Resource Link(s): |
Durham Cathedral Archive - Register I (fii8r) |
Charter:
Omnibus Cristi fidelibus Nicholaus dei gratia Dunelm episcopus eternam in domino salutem Noverit universitas vestra nos dedisse concessisse et presenti carta nostra confirmasse Roberto de Miderig fabro viginti et sex acras terre in territorio grangie de Miderig et Reddewurth videlicet duodecim acras et dimidiam supra Syeginthornes ex utraque parte vie de Thickeley Punchardin quas Ulkillus Bulax quondam tenuit et quatuor acras iuxta pontem de Miderig quas Iohannes prepositus quondam tenuit et quinque acras apud Cuncelethe quas predictus Robertus recepit de vasto et quatuor acras et dimidiam apud Kalegares Croft quas Galfridus de Reddewurth quondam tenuit habendas et tenendas dicto Roberto et heredibus suis de nobis et successoribus nostris libere quiete et integre ad perpetuam feodi firmam reddendo inde annuatim nobis et successoribus nostris ad scaccarium nostrum Dunelm pro qualibet acra quatuor denarios ad quatuor terminos in episcopatu Dunelm constitutos Concessimus etiam eidem duodecim acras terre supra Serginthornes spectantes ad forgiam grangie de Miderig cum tofto et crofto ex opposito ianue nostre meridiei faciendo inde nobis et successoribus nostris apud grangiam de Midderig servicium unius fabri de ferro et custo nostro et successorum nostrorum quantum exigunt sex caruce ibidem pro omni servicio Licebit etiam dicto Roberto et heredibus suis pro se si voluerint ad hoc servicium alias deputare Volumus autem et concedimus quod dictus Robertus et heredes sui molant bladum suum quod crescit in dicta terra tota quantum molere debent ad molendinum nostrum ad vicesimum vas Quare volumus et firmiter precipimus quod dictus Robertus et heredes sui habeant et teneant dictam terram totam toftum et croftum sicut prenominatum est cum omnibus pertinentiis suis de nobis et successoribus nostris ad perpetuam feodi firmam libere quiete et integre sine aliquo retenemento pro solo servicio prenominato ad nos vel successores nostros pertinente in perpetuum In cuius rei testimonium presenti scripto sigillum nostrum in presentia nostra apponi fecimus Hiis testibus dominis et magistris Iohanne de Rumes tunc seneschallo nostro Iohanne Gylet tunc vicecomite nostro Martino de Sancta Cruce Roberto de Sancto Albano Rogero de Wynton et Ricardo Basset capellanis Odone de Kilkenn Willelmo de Manefeld Galfrido de Forset Willelmo de Sadberge Willelmo de Karelaw Radulpho clerico vicecomitis Willelmo de Levithorp Galfrido de Stoketon Waltero de Camera et aliis