Charter Document - 03320010
| Charter Number: | 03320010 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, A.D., Episcopal, Feast |
| Resource Link(s): |
Durham Cathedral Archive - Cartulary II (f101r) Durham Cathedral Archive - Cartularium Vetus (f167r) |
Charter:
Omnibus Cristi fidelibus ad quos presens scriptum pervenerit Nicholaus dei gratia Dunelmensis episcopus eternam in domino salutem Sciatis nos intuitu dei et pro salute anime nostre et animarum antecessorum et successorum nostrorum dedisse concessisse et presenti carta nostra confirmasse dilectis in Cristo filiis Bertramo priori et monachis nostris Dunelmensis centum acras de bosco nostro ex aquilonali parte vacaris eorundem prioris et monachorum per has divisas videlicet quater viginti acras ex aquilonali parte vacaris prioris Dunelmensis sicut fossatum prioris nove terre eiusdem se extendit usque in Brun et ita ascendendo de Brun usque ad terram arabilem de Wyttona et deinde ascendendo usque ad regiam viam que ducit de Wyttona ad Dunelmo et exinde recta linea iuxta dictam viam usque caput predicti fossati et viginti acras infra divisas subscriptas a predicta regia via in parte orientali per campum de Wyttona usque Crynkeldych et ita per Crynkeldych descendendo usque in Sandipethelec et ita descendendo per Sandipethlec usque ad regiam viam predictam habendas et tenendas prefato priori et successoribus suis et monachis predictis in liberam puram et perpetuam elemosinam cum omnibus commoditatibus et aysiamentis suis que infra predictas divisas habere poterunt Concessimus etiam prefato priori et successoribus suis et monachis predictis quatenus ad nos pertinet quod possint predictas centum acras bosci claudere et inde commodum suum facere prout magis sibi viderint expedire Quare volumus et precipimus quod predictus prior et successores sui et monachi prescripti predictas centum acras ut predictum est habeant et teneant et inperpetuum possideant bene et in pace integre et plenarie et sine alicuius contradictione vel impedimento sicut aliqua alia elemosina melius et liberius habetur et possidetur In cuius rei testimonium presenti scripto sigillum nostrum apponi fecimus Hiis testibus domino Iohanne de Rumeseye magistris Odone de Kylkenny et Willelmo de Manefelde dominis Iohanne Gylec et Martino de Sancte Cruce dominis Roberto de Sancto Albano et Rogero de Wintonia capellanis Adam de Bradeleg et Laurentio de Ponthorp tunc forestariis Ricardo Basset clerico et aliis Datum apud Stoketon die sancti Laurentii anno domini millesimo ducentesimo quadragesimo octavo pontificatus autem nostri anno octavo