Charter Document - 03320007

Omnibus Cristi fidelibus presens scriptum visuris vel audituris Nicholaus dei gratia Dunelm episcopus eternam in domino salutem Sciatis nos intuitu dei dedisse concessisse et presenti carta nostra confirmasse dilectis in Cristo filiis Thome priori et monachis nostris Dunelm quamdam placiam iuxta Iusemos per has divisas scilicet a loco qui vocatur Amizcros per sychetum descendendo usque Iusemos et sic iuxta Iusemos per fossatum quod est inter Iusemos et placiam predictam usque ad finem de Iusemos versus aquilonem et sic ascendendo a predicto fine de Iusemos per sichetum usque Holden et sic ascendendo per Holden usque altam stratam que ducit de Langcestre usque Dunelm et sic per stratam illam usque ad supradictum locum qui vocatur Amizcros habendam et tenendam prefato priori et successoribus suis et monachis predictis inperpetuum cum omnibus commoditatibus iustis et rationabilibus quas infra predictas divisas habere poterunt dum tamen extra prefatas divisas nichil occasione huius nostre concessionis a nobis vel successoribus nostris de novo exigatur nec nobis aut successoribus nostris aliquod gravamen extra prefatas divisas per ordinationem aut dispositionem quam infra easdem fecerint per ipsos vel alios quoslibet generetur Et ad perpetuam huius rei securitatem presenti scripto sigillum nostrum fecimus apponi Hiis testibus magistris Willelmo de Kylkenny Iohanne de Rumeseye Galfrido de Leukenor senescallo nostro Philippo de Sancta Elena Willelmo de Blockel Gileberto de Laton Willelmo de Bromham Martino de Sancta Cruce Ada de Bradlegh Rogero de Aclent et aliis Dat per manum domini Walteri de Merton clerici nostri apud Stoketon iii die Octobris pontificatus nostri anno secundo