Charter Document - 03310096
| Charter Number: | 03310096 |
|---|---|
| Cartulary Title: | Canterbury 1070-1136 Volume 28 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1126 - 1128 |
| Date type: | Assigned |
| Resource Link(s): |
Cambridge University Library - MS Add 3020 (f166r) |
Charter:
Will[elmu]s Dei gratia Cantuar archiepiscopus et apostolice sedis legatus Herveo eadem gratia Elyensi episcopo salutem Deique benedictionem et suam Super dedicatione sancte Marie Thornensis ecclesie quam ad presens facere disponitis congratulamur et laudamus inceptum et ad bonum finem pervenire exoptamus Et quia huiusmodi conventus fiunt pro animarum salute et redemptione peccatorum ubi etiam homines penitentiarum relaxationem magis expetunt quicquid huiusmodi rationabiliter tam in die dedicationis quam in annua ipsius diei revolutione vestra et fratrum nostrorum coepiscoporum prudentia relaxandum decreverit et nos ex Dei parte et nostra et auctoritate nobis a Deo commissa firmamus Valete