Charter Document - 03310085
| Charter Number: | 03310085 |
|---|---|
| Cartulary Title: | Canterbury 1070-1136 Volume 28 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1128 - 1136 |
| Date type: | Assigned |
| Resource Link(s): |
|
Charter:
Willelmus Dei gratia Cant archiepiscopus apostolice sedis legatus omnibus sancte matris ecclesie filiis salutem et Dei benedictionem Sciant tam presentes quam posteri quod nos suscepimus ecclesiam sancte Marie et sancte Sexburge de Scapeya et moniales ibidem Deo famulantes earumque possessiones in Dei et Cant ecclesie et nostram protectionem et omnes donationes tam a nobis quam ceteris fidelibus eidem ecclesie factas pietatis intuitu et quecunque bona memorate iuste et canonice a quocumque adipisci poterunt presentis scripti patrocinio confirmamus In quibus dignum duximus propriis hec exprimenda vocabulis predictam scilicet ecclesiam sancte Sexburge de Scapeya cum capellis scilicet cum capella de Eastcherche cum omnibus decimis et appenditiis suis et cum capella de Leysdone cum decimis et omnibus appenditiis suis et cum capella de Wardone cum decimis et omnibus appenditiis suis et ecclesiam de Gillingeham cum capellis et decimis et omnibus appenditiis suis et terras in insula sitas et terras de Gryen quas ex nostra emptione predicte ecclesie contulimus cum mariscis et pertinentiis suis Statuimus autem ut prefata ecclesia liberam et canonicam de conventu suo habeat electionem et tam in hiis que prelibavimus quam in ceteris iam habitis vel postmodum habendis secundum canonicam conferentium dispositionem plenariam optineat dignitatem scilicet in decimis in terris mariscis in pratis et pascuis et bosco et plano Preterea ab omnibus exactionibus quas archidiaconus suique ministri a subiectis parrochiis extorquere solent quemadmodum conventualem decet ecclesiam et ut antiquitus constat fuisse liberam et quietam fore decernimus Presertim quemadmodum sanctorum predecessorum nostrorum tempore unicam et totius insule sepulturam optinuit ut ita in perpetuum optineant nostra auctoritate precepimus et ne aliter fiat inhibemus Rogamus itaque et obsecramus in Domino omnes successores nostros huius vie viros inveniri quatinus predictam ecclesiam pro Dei amore et nostro in animarum suarum salutem in eundem statum libertatis et eandem reverentiam religionis quam nos statuimus post decessum nostrum illis commissam tenere et manutenere studeant ut mercedem quam nos speravimus pro institutione eandem et ipsi ab omnium bonorum remuneratore consequantur pro tuitione Si quis vero contra huius nostre institutionis sententiam venire temptaverit anathemate innodetur quousque de ingratitudine sua satisfaciendo peniteat Quod si contumax et impenitens decesserit et temeritatem suam ad heredes perpetuandam transmiserit nostre maledictionis divineque ultionis sententiam incurrat Teste Iohanne Rofensi episcopo Eylmero priore Cant ecclesie et Fulcone priore de sancta Osyda et Fulcone priore de Ledes