Charter Document - 03310084
| Charter Number: | 03310084 |
|---|---|
| Cartulary Title: | Canterbury 1070-1136 Volume 28 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1126 - 1136 |
| Date type: | Assigned |
| Resource Link(s): |
|
Charter:
Willelmus Dei gratia Cant archiepiscopus et apostolice sedis legatus universis sancte matris ecclesie filiis salutem et Dei benedictionem Tam presentibus quam post futuris innotescat nos dedisse et in elemosinam concessisse ecclesiam de Gillingeham cum capellis et omnibus redditibus et proventiis suis tam in marisco quam in terris ecclesie beate Dei genitricis et virginis Marie et sancte Sexburge in Scapeya tam victus quam vestitus ancillis Dei ibidem commorantibus in tantum conferens solacia Et quoniam imperpetuum quod super hoc actum est observari decrevimus de cetero ex auctoritate Dei et beati apostolorum principis et nostra penitus inhibemus ne aliquis predictis Dei ancillis super hoc iniuriam faciat seu aliquid auferat vel minuat quod prefate ecclesie de Gillingeham pertinere debeat Si quis igitur huius nostre donationis elemosinam quam usibus ancillarum Dei caritative erogavimus temere surripiendo violare presumpserit iram Dei incurrat quoadusque famulabus Dei ingratus existat et in nostram maledictionem incidat nisi tua citatione commonitus peniteat Quod si in temeritate sua perseverando diabolo obligari magis quam Deo Deique ancillis satisfaciendo reconciliari elegerit perpetuo innodetur anathemate Teste Iohanne episcopo Rofens