Charter Document - 03310023
| Charter Number: | 03310023 |
|---|---|
| Cartulary Title: | Canterbury 1070-1136 Volume 28 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1101 - 1102 |
| Date type: | Assigned |
| Resource Link(s): |
|
Charter:
+ In nomine Patris et Filii et Spiritus Sancti Amen A Cantuariensis archiepiscopus et maioris Britannie atque Hybernye primas summique pontificis Paschalis vicarius fratribus et filiis secularibus et ecclesiasticis Francis et Anglis de Northfolch et Suthfolch salutem Quanto amore et obsequio vestram matrem Norwicensem ecclesiam diligere et honorare debetis ipsius Redemptoris et Salvatoris Ihesu Cristi exemplo instruimini qui sanctam ecclesiam suo sanguine redemit et lavit et suo spiritu donavit et insignivit sueque carnis alimento cibavit et satiavit Norwicensem sancte Trinitatis ecclesiam rex Willelmus et rex Henricus frater et successor suus capud et matrem omnium ecclesiarum de Northfolch et de Suthfolch constituerunt et regie dignitatis cartis et sigillis confirmaverunt consenserum voluntati et petitioni fratris et filii nostri Herberti episcopi ut in predicta sancte Trinitatis ecclesia monachi constituerentur et loco canonicorum haberentur vi aut ingenio nullo inde eiciendi aut amovendi set et regia et nostra auctoritate per decendentes et succedentes generationes usque ad consummationem seculi ibidem servituri et perseveraturi Hec concedimus et ut in eternum rata permaneant nostra et omnium comprovincialium fratrum et coepiscoporum nostrorum necnon et abbatum atque religiosorum clericorum auctoritate confirmamus Igitur iuxta voluntatem et petitionem fratris et filii nostri Herberti episcopi Norwicensis ecclesia habeat monachos in officiis et obsequiis suis ad exemplum Wintoniensis ecclesie et nostre que omnium ecclesiarum totius Anglie prima est Quod concedimus et confirmamus nulla persona nullus successurus episcopus infringere aut mutare presumat set constitutionem nostram vere dilectionis et venerationis sinu complectatur et custodiat Ego Ansselmus archiepiscopus consensi et presenti sancte crucis signo nostreque auctoritatis subiecto sigillo confirmavi + Ego Gundulfus Rouecestrensis episcopus subscripsi + Ego Mauricius Londoniensis episcopus subscripsi + Ego Radulphus Cicestrensis episcopus subscripsi + Ego Willelmus Wincestrensis episcopus subscripsi + Ego Saresbyryensis episcopus subscripsi + Ego Sampson Wygrecestrensis episcopus subscripsi + Ego Iohannes Bathoniensis episcopus subscripsi + Ego Osbernus Execestrensis episcopus subscripsi + Ego Robertus Cestrensis episcopus subscripsi + Ego Robertus Lyncolensis episcopus subscripsi + Ego Ranulphus Dunelmensis episcopus subscripsi + Ego Gislbertus abbas de Westmonasterio subscripsi + Ego Serlo Gloecestrensis subscripsi + Ego Ricardus abbas de Hely subscripsi + Ego Ricardus abbas de sancto Albano subscripsi + Ego Stephanus abbas Eboracensis subscripsi + Ego Hynricus abbas de Bello subscripsi + Ego Rycherus abbas de Holma subscripsi + Ego Guntardus abbas de Torney subscripsi + Ego Aldewinus abbas Rameseye subscripsi +