Charter Document - 03300099
| Charter Number: | 03300099 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1191 - 1212 |
| Date type: | Assigned |
| Resource Link(s): |
|
Charter:
G[aufridus] Dei gratia Ebor[acensis] archiepiscopus et Anglie primas abbatibus prioribus officialibus archidiaconis personis vicariis et aliis rectoribus ecclesiarum per Ebor[acensem] diocesim constitutis eternam in Domino salutem Mandamus vobis quatinus conveniatis et diligenter inducatis parochianos vestros ut fratribus hospitalis sancti Petri Ebor[acensis] et eorum nuntiis garbas et travas de aratris suis consuetas et debitas legata et alia debita que eisdem fratribus debentur sine molestia et difficultate persolvant Cum vero fratres dicti hospitalis vel eorum nuntii vobis conquesti fuerint de aliqua violentia vel iniuria eis vel suis illata ipsos transgressores ad debitam satisfactionem moneatis attentius et efficaciter inducatis et si commonitioni vestre parere noluerint summoneatis eos ut octava die post visas has litteras veniant ad hostium sancti Leonardi hospitalis predictis fratribus super iniuriis et violentiis et dampnis eis iniuste illatis responsuri et iuri parituri Quod si contempserint vocetis eos et excommunicetis sicut et nos faciemus