Charter Document - 03300084
| Charter Number: | 03300084 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1201 |
| Date type: | Assigned |
| Resource Link(s): |
|
Charter:
G[aufridus] Dei gratia Ebor[acensis] archiepiscopus et Anglie primas dilecto amico suo G[aufrido] filio Petri comiti Essex salutem et dilectionis plenitudinem Ad notitiam vestram satis credimus pervenisse nos divine pietatis intuitu contulisse magistro Willelmo domini regis thesaurario iuste et canonice archidiaconatum Cliveland Et quia quidam excommunicati nostri qui ecclesiasticam contempnunt censuram et iam plusquam dimidio anno transacto in excommunicatione perstiterunt predictum archidiaconatum occupare nituntur vobis mandamus rogantes quatinus si quos sibi resistentes invenerit quominus pacifica gaudeat possessione eos tanquam excommunicatos nostros secundum consuetudinem regni laicali potestate coherceri faciatis Valete