Charter Document - 03300076
| Charter Number: | 03300076 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1191 - 1198 |
| Date type: | Assigned |
| Resource Link(s): |
|
Charter:
Galfridus Dei gratia Ebor[acensis] archiepiscopus et Anglie primas omnibus Christi fidelibus ad quos presens scriptum pervenerit salutem in Domino Ad universitatis vestre notitiam volumus pervenire nos Dei et pietatis intuitu concessisse Deo et ecclesie beati Iacobi de Welleb et canonicis ibidem Deo famulantibus ecclesiam de Whattone cum omnibus pertinentiis suis in proprios usus possidendam cum omni integritate salva in ea perpetua competenti vicaria scilicet tertia parte ipsius ecclesie ei qui in ipsa ministrabit assignanda salvis etiam episcopalibus consuetudinibus Ebor[acensis] ecclesie nobis et servitiis nostris solvendis ab ipso qui prefatam vicariam tenebit Ne igitur hec nostra concessio alicuius astutia vel malignitate possit in irritum reduci eam presentis scripti serie et sigilli nostri munimine confirmamus Hiis testibus Ioh[anne] episcopo de Can[dida] Cas[a] magistro S[imone] de Apuleia H[amone] precentore Ebor[acensi] G[aufrido] archidiacono de Cliv[elandia] W[illelmo] arch[idiacono] Not[inghamie] magistro Vacario Godefrido de Lardar