Charter Document - 03300050
| Charter Number: | 03300050 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1191 - 1196 |
| Date type: | Assigned |
| Resource Link(s): |
|
Charter:
G[aufridus] Dei gratia Ebor[acensis] archiepiscopus et Anglie primas omnibus Christi fidelibus ad quos presens scriptum pervenerit salutem in Domino Ad universitatis vestre notitiam volumus pervenire nos ad presentationem Asketilli prioris et conventus de sancto Osuualdo recepisse magistrum Simonem de Apuleya ad ecclesiam de Sukirkebi vacantem et eum canonice in eadem ecclesia instituisse Nos vero considerata predictorum canonicorum de sancto Osuualdo paupertate ad petitionem predicti prioris et clericorum nostrorum et pro anima H[enrici] patris mei illustris regis Anglorum pietatis et caritatis intuitu concessimus et hac carta nostra confirmavimus post decessum magistri Simonis predictis canonicis de sancto Osuualdo predictam ecclesiam de Sukirkebi cum capellis et omnibus pertinentiis suis in puram et perpetuam elemosinam in proprios usus convertendam in omni integritate salva in ea perpetuo competenti vicaria ei qui in ipsa ministrabit assignanda salvis etiam in omnibus sinodalibus et episcopalibus [et] Ebor[acensis] ecclesie dignitate Et ut hec nostra concessio futuris temporibus firma perseveret eam sigilli nostri appositione duximus roborandam Hiis testibus []