Charter Document - 03300040
| Charter Number: | 03300040 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1191 - 1204 |
| Date type: | Assigned |
| Resource Link(s): |
|
Charter:
Gaufr[idus] Dei gratia Eboracensis archiepiscopus et Anglie primas universis sancte matris ecclesie filiis presentibus et futuris salutem et benedictionem Quoniam specialiter spectare novimus ad officium nobis divina permissione collatum preces et petitiones virorum religiosorum et maxime eorum de quorum religiosa conversatione nullatenus ambigitur gratanter admittere admissas utiliter effectui debito mancipare presertim cum quis suorum aliquid divino subdere cultui et a seculari usu ad sancte religionis promotionem transferre satagit ducti divine caritatis intuitu precibus et iustis petitionibus dilectorum filiorum R[ogeri] prioris ordinis de Semplingh et canonicorum de Malton sub eiusdem ordinis professione Deo devote militantium devotum impertiti sumus assensum Concessimus enim eis et presentis scripti pagina sigilli nostri munimine consignata confirmavimus sedem prioratus de Malton et ecclesiam de Malton cum omnibus pertinentiis suis et mensuram dominii que fuit Eustachii filii Iohannis in Malt[ona] cum virgulto et omnibus pertinentiis suis et communem pasturam et turberiam et brueriam et cooperturam ultra pontem de Hou per totum in Ediuemersc et in omnibus pertinentiis suis et totum pratum suum iuxta pratum Willelmi filii Waleronis et totum pratum quod fuit Willelmi de Vesci ex orientali parte pomerii Rogeri de Lasceles in Malton et molendina veteris Malt[one] cum piscaria et unam carucatam terre in Suinton et ecclesiam de Wintringh cum omnibus pertinentiis suis et duo molendina in eadem villa cum omnibus pertinentiis et villulam que vocatur Linct cum omnibus pertinentiis suis et tres carucatas terre in Wintrinham cum sex toftis et omnibus aliis pertinentiis et totum pratum quod dicitur depecher et totum ambitum antiqui vivarii iuxta capellam sancte Helene et quicquid Roaldus de Thoraldeby dedit predictis canonicis in villa de Thoraldebi sicut carte ipsius testantur et illam partem bruerii que vocatur austwald et unam bovatam terre ex donatione Roberti presbiteri Hec itaque omnia suprascripta beneficia tam in possessionibus ecclesiasticis quam in aliis liberis tenementis illis a bonis viris per diocesim nostram caritative collata sicut ea iuste et canonice adepti sunt concessimus in perpetuum possidenda Confirmavimus eis preterea ius patronatus in ecclesiis de Brumton et de Langeton ita quod cum vacaverint ad quamlibet illarum integerrime clericos ydoneos nobis presentent quod eis a patronis predictarum ecclesiarum est concessum salvis tamen in omnibus iure nostro et Eboracensis ecclesie dignitate Hiis testibus []