Charter Document - 03300011
| Charter Number: | 03300011 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 |
| Date type: | Assigned |
| Resource Link(s): |
Durham Cathedral Archive - Cartulary III (f2r) Durham Cathedral Archive - Cartularium Vetus (f157r) |
Charter:
Gaufridus Dei gratia Eboracensis electus omnibus sancte matris ecclesie filiis ad quos littere presentes pervenerint salutem Sciatis nos concessisse et presenti carta confirmasse Deo et beato Cuthb[er]to et venerabili fratri nostro Hugoni Dunelm episcopo et priori et monachis sancti Cuthberti de Dunelmo omnes libertates et liberas consuetudines quas temporibus antecessorum nostrorum archiepiscoporum habere solent et debent in ecclesiis et clericis et hominibus suis in Eboracensi archiepiscopatu sicut carte antecessorum nostrorum archiepiscoporum quas inde habent et privilegia Romanorum pontificum testantur quod habere debeant Quare volumus et precipimus quod ipsi ita plene libere et honorifice suas habeant in predictis ecclesiis et clericis et hominibus suis libertates et dignitates sicut predictum est et sicut carte predictorum archiepiscoporum antecessorum nostrorum et Romanorum pontificum testantur et hoc eis concessimus quod post nostram consecrationem hanc eis cartam renovabimus novi sigilli nostri munimine Testibus Walt[er]o Rothom[agensi] archiepiscopo Regin[aldo] Huberto Hugone Bathon[iense] Salesbir[iense] Coventr[ense] episcopis Willelmo Elien[si] electo domini regis cancell[ario] Ioh[ann]e comite de Moret Ioh[ann]e mariscall[o] Willelmo fratre eius domino Striguil Willelmo de P[re]aus Steph[an]o de Longo campo Willelmo de Stutevill[a] et multis aliis