Charter Document - 03300009
| Charter Number: | 03300009 |
|---|---|
| Cartulary Title: | York 1189-1212 Volume 27 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
G[aufridus] Dei gratia Eboracensis electus omnibus Christi fidelibus qui presens scriptum viderint salutem Sciatis nos concessisse in perpetuum Deo et beate Marie Cist[erciensis] pro salute anime nostre et pro anima regis Henrici patris nostri elemosinam quam dominus rex Ric[ardus] frater noster fecit de assensu nostro de ecclesia de Scardeburgo cum omnibus pertinentiis suis ad procurationem abbatum capituli Cist[erciensis] Quam elemosinam plene et integre concedimus sicut in domini regis carta plenius continetur et presens scriptum sigilli nostri impressione communimus Quare volumus et firmiter precipimus quod abbatia Cist[erciensis] habeat teneat et percipiat libere integre honorifice et quiete et sine molestia et contradictione predictam ecclesiam de Scardeburgo cum omnibus capellis et pertinentiis suis et cum omnibus libertatibus et liberis consuetudinibus suis secundum quod in carta regia continetur nec super his omnibus diminutionem aliquam sustineat vel gravamen Preterea sciatis quod G[aufridus] archidiaconus Clivel[andie] resignavit in manu nostra et nos in manu abbatis Cist[erciensis] quicquid iuris clamabat in ecclesie predicte vicaria Testibus I[ohanne] episcopo Case Candide magistro Sy[mone] cancellario Eboracensis ecclesie G[aufrido] archidiacono Clivel[andie] W[illelmo] de Sancto Quintino