Charter Document - 03294001
| Charter Number: | 03294001 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1196 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presentes littere pervenerint Ric[ardus] divina permissione Londoniensis episcopus salutem in Cristo perpetuam Ex inspectione carte Nigelli bone memorie quondam Elyensis episcopi manifeste perpendimus ipsum intuitu divine pietatis concessisse ecclesie Elyensi totam decimam de dominio Willelmi Peregrini de Cattemere ad emendationem organorum exceptis duabus acris quas ecclesia de Litlebir inde percipere debebit Nos igitur ecclesie prelibate religionem et ibidem deo famulantium honestam et laudabilem conversationem attendentes factum memorati episcopi ratum habentes concessionem dictarum decimarum ecclesie Elyensi per eum factam auctoritate qua fungimur episcopali confirmamus et presentis scripti patrocinio cum sigilli nostri pariter appositione communimus Hiis testibus Willelmo Elyens[i] domini regis thesaurario Alano Ricardo Bereng[ario] cappellanis magistro Alex[andro] Hugone de Winton Iohanne de Waltham Willielmo de Waude Willelmo de Hathfeud Hugone de Neuton Ivone clericis et pluribus aliis