Charter Document - 03291139
| Charter Number: | 03291139 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1217 - 1221 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Alexander prior ecclesie beatorum Iohannis Baptiste et Iohannis Evangeliste de Caldewell totiusque eiusdem loci conventus eternam in domino salutem Noverit universitas vestra nos cum assensu et voluntate totius capituli nostri concessisse et presenti carta nostra confirmasse Willelmo priori et conventui beate Marie de Dunmow ecclesiam nostram de Tolleshunt cum terris et redditibus decimationibus et obventionibus et cum rebus aliis ad eandem ecclesiam pertinentibus tenendis de nobis in perpetuam firmam sub annuo censu xxx solidorum fideliter nobis per nuntium suum apud Caldewell reddendum duobus terminis scilicet ad festum sancti Michaelis xv solidos et ad Pascha xv solidos Et nos debemus ecclesiam illam cum omnibus pertinentiis contra omnes homines warantizare eis et predicti canonici de D omnia onera prefate ecclesie tam extraordinaria quam ordinaria sustinebunt et ecclesie iura a parochianis per se absque nostra vexatione perquirant Ut autem hec concessio inter nos firma et inconcussa permaneat presentes scripti attestatione et sigillorum nostrorum appositione in utraque parte corroboravimus