Charter Document - 03290245

Omnibus Christi fidelibus presens scriptum inspecturis Eustachius dei gratia London episcopus et eiusdem loci capitulum salutem in domino sempiternam Noverit universitas vestra quod cum inter nos ex una parte et priorem et conventum de Thek ex alia super ecclesia de Fynchingfeld controversia verteretur tandem post multas altercationes viris discretis et iuris peritis mediantibus eadem hoc fine amicabiliter conquievit videlicet quod memorati prior et conventus de Thek ecclesiam de Fynchingfeld cum omnibus ad ipsam pertinentibus habeant et possideant imperpetuum in proprios usus convertendam salva vicario qui pro tempore in eadem ministrabit ecclesia perpetua vicaria qui nomine vicarie sue omnes decimas de totali feodo de Necthon factas de terris Simonis filii Thorold Nichole de Burny Arnulfi Le Arpun domine Olive de dominico Huberti filii Ricardi et de terra que fuit Roberti de Mora provenientes et omnes oblationes et obventiones eiusdem ecclesie necnon et minores decimas integre percipiet una cum manso iuxta ecclesiam eidem vicarie deputato Idem autem vicarius omnia onera consueta et debita prefate ecclesie incumbentia sustinebit Sed ne per huiusmodi alienationem ecclesia London lesionem pati videtur de assensu et voluntate dictorum prioris et conventus eisdem iurisperitis ordinantibus est provisum ut vicarius qui pro tempore in prefata ministrabit ecclesia dicte ecclesie sancti Pauli singulis annis quinque marcas argenti ad sustentationem pauperum vicariorum eiusdem ecclesie sancti Pauli secundum provisionem dictorum episcopi et capituli deputatas ad duos terminos anni persolvet videlicet duas marcas et dimidiam ad Pascha et duas marcas et dimidiam ad festum sancti Michaelis quas terminis statutis fideliter solvendas prefatus vicarius cum institutus fuerit presente episcopo London iurabit Memorati vero prior et conventus cum dictam vicariam vacare contigerit episcopo London sacerdotem vel diaconum residentiam in memorata ecclesia facturum competenter literatum bene morigeratum presentabunt Quod nisi fecerint ea vice auctoritate sua tandem viro idoneo conferet vicariam Et ut hec amicabilis compositio de consilio iurisperitorum provisa rata futuris temporibus permaneat et inconcussa presens scriptum sigillis nostris duxerimus roborandum Hiis testibus R de Wacht decano sancti Pauli G de Luch archidiacono London H cancellario sancti Pauli magistris Willelmo de Purl et Thomas de Stottek domino Mauricio de Herlay I Valesnous Willelmo filio Roberti canonicis sancti Pauli magistris E de Radenor tunc officiali domini London et I de Reygat et aliis Dat apud London per manum dicti magistri R de Radenor anno MCCXXV