Charter Document - 03290237
| Charter Number: | 03290237 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1223 |
| Date type: | Internal, A.D., Lunar |
| Resource Link(s): |
|
Charter:
Omnibus sancte matris ecclesie presens scriptum inspecturis Eustachius divina miseratione London ecclesie minister humilis salutem eternam in domino Noverit universitas vestra quod cum controversia inter dilectos in Cristo filios Robertum abbatem et conventum sancti Iacobi de Waleden ex una parte et priorissam et conventum de Haliwell ex altera coram viris venerabilibus L et R de Bernewell et Anglesey prioribus et B decano de Cantabr iudicibus a summo pontifice delegatis super decimis de dominico Humfridi de Rokell in Wygefosse mota fuisset tandem post multas altercationes utraque pars spontanea voluntate et unanimi assensu se nostre subiecit ordinationi Nos igitur utriusque partis paci providere cupientes et tranquillitati cum nobis plenius constaret dictas priorissam et conventum a multis retro temporibus predictas decimas pacifice possedisse ita duximus ordinandum videlicet quod prefate moniales de Haliwell sepedictas decimas imperpetuum possideant salvis tamen prenominatis monachis decimas garbarum feni et molendini quas possiderunt anno ab incarnatione domini millesimo CCXXIII ciclo lunari currente per viii Set quia predicte decime infra limites parochie de Arkesden dictis monachis in proprios usus concesse consistunt memorate moniales pro bono pacis unam marcam singulis annis ad duos terminos percipiendam persolvent scilicet ad natale domini dimidiam marcam et ad nativitatem sancti Iohannis Baptiste dimidiam marcam ita quod pro ipsis decimis amplius exigere non poterint Si vero infra octabas predictorum terminorum moniales predictam marcam non solverint licebit predictis monachis appellatione et contradictione cessantibus proximo autumpno sequenti predictas decimas in manus suas capere et eas detinere quousque eedem moniales de dicta marca sibi satisfecerint vel quousque de ipsis decimis marcam ipsam perceperint Et ut hec nostra donatio rata futuris temporibus maneat et inconcussa presenti scripto in modum cirographi confecto sigillum nostrum una cum sigillis partium presentibus duximus apponendum