Charter Document - 03290236
| Charter Number: | 03290236 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1223 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Eustachius divina miseratione London ecclesie minister humilis salutem eternam in domino Ea que viris religiosis ex devotione fidelium pie noscuntur esse concessa rata futuris temporibus manere decet et inconcussa Quoniam igitur ex cartarum inspectione virorum venerabilium G et W predecessorum nostrorum ecclesias de Waledena de Chishella de Waltham de Estra de Enefeld de Edelmeton de Mimmes de Hadleia de Eynesworda de Arkesdena et de Lindeseles dilectis in Cristo filiis abbati et monachis sancti Iacobi de Waledena plenius constabat interveniente consensu earundem ecclesiarum patronorum quorum instrumenta similiter inspeximus fuisse collatas et autoritate episcoporum predictorum in usus proprios confirmatas Nos libertatem et honestam conversationem et religionis fervorem dictorum monachorum attendentes prefatas ecclesias cum omnibus ad easdem pertinentibus caritatis intuitu eisdem monachis pontificali confirmamus autoritate salva competenti et honesta vicariis qui eisdem pro tempore ministrabunt ecclesiis sustentatione Et quia dictus abbas de consensu conventus sui ecclesiam de Lindesele ita ordinavit ut de fructibus eiusdem ecclesie unus cereus coram maiori altari sancti Iacobi de Waledena et lampas coram altari sancte Marie ardentes iugiter inveniantur nos eandem ordinationem ratam habentes nostra similiter confirmavimus autoritate Hiis testibus domino Philippo de Fauk archidiacono Huntingd magistro Galfrido de Lucy magistro Reginaldo officiale magistro Iohanne de Reig Galfrido capellano David Ricardo Haket Rogero de Werewell clericis et aliis multis Datum per manum magistri Reginaldi archidiaconi officialis quinto Kalendas Septembris pontificatus nostri anno tercio Valete