Charter Document - 03290235
| Charter Number: | 03290235 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1227 |
| Date type: | Internal, A.D., Calendar |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Eustachius dei gratia London ecclesie minister humilis salutem in domino sempiternam Noverit universitas vestra nos divine pietatis intuitu venerabili fratri nostro Thome dei gratia Norwic episcopo et eius successoribus ecclesiam de Terling concessisse et ipsam eisdem in usus proprios auctoritate episcopali qua fungimur confirmasse salva competenti vicaria per nos vel successores nostros taxanda salvis insuper in omnibus iure et dignitate London ecclesie inter que hoc duximus exprimendum videlicet ut cum ipsam ecclesiam per mortem episcopi Norwic qui pro tempore fuerit vacare contigerit in manus ipsius episcopi Lond capiatur in eius custodia permansura quousque in ecclesia Norwic episcopus vel electus confirmatus decedenti fuerit substitutus In cuius rei testimonium presentem paginam sigilli nostri munimine duximus roborandum Hiis testibus domino Philippo de Falc[um]b archidiacono Hunte[n]gd magistris Reginaldo de Raden et Petro de Glouc Ricardo de Berk David de Thok Ricardo de Hak Ricardo de Luyton Bartholomeo de Brunn et aliis Dat anno gratie millessimo ducentessimo vicesimo septimo Kalendas Iulii