Charter Document - 03290231
| Charter Number: | 03290231 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1225 - 1228 |
| Date type: | Assigned |
| Resource Link(s): |
|
Charter:
Omnibus Cristi fidelibus literas presentes inspecturis Eustachius dei gratia London episcopus salutem in domino Noverit universitas vestra nos concessisse assignasse et hac presenti carta nostra confirmasse deo et ecclesie sancti Pauli London in domibus que fuerunt Petri quondam thesaurarii London anuum redditum unius marce die anniversario obitus dicti thesaurarii hoc modo distribuende scilicet canonicis tantum servitio presentibus quatuor solidos et sex denarios clericis chori presentibus quatuor solidos et quinque denarios fabrice ecclesie quatuor solidos et quinque denarios Huic autem concessioni nostre et dispositioni interfuerunt et assensum prebuerunt Robertus decanus Galfridus archidiaconus London Willelmus archidiaconus Middelsex Rogerus archidiaconus Colecestr dominus Willelmus thesaurarius Henricus cancellarius London dominus Martinus de Pateshell Philippus archidiaconus Huntindon Willelmus de Purleg Thoma de Storteford Willelmus filius Roberti Iohannes Belemanis sepedicte ecclesie canonici magister Reginaldus officialis noster et multi alii Et in cuius rei testimonium presenti scripto sigillum nostrum una cum sigillo capituli nostri apposuimus