Charter Document - 03290220
| Charter Number: | 03290220 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Relaxation |
| Date: | 1226 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Eustachius divina miseratione London ecclesie minister humilis salutem in domino Quoniam inter opera caritatis ea valde meritoria reputantur que ad sustentationem pauperum Cristi pia conferuntur largitione fidelium universitatem vestram monendam duximus et hortandam in domino quatinus ad constructionem domus elemosinarie per decanum et capitulum Heref iuxta ecclesiam sancti Ethelberti Heref site et ad sustentationem pauperum ibidem de bonis vobis a deo collatis aliquid misericorditer erogetis Nos igitur de dei misericordia et beate virginis et omnium sanctorum meritis confidentes omnibus de nostra diocesi aliis etiam quorum diocesani hanc nostram relaxationem ratam habuerint predicte domui elemosinas suas conferentibus confessis et vere penitentibus de iniuncta sibi penitentia tresdecem dies relaxamus Dat per manum nostram apud Westm quintodecimo Kalendas Novembris pontificatus nostri anno sexto