Charter Document - 03290213

Omnibus sancte matris ecclesie filiis presens scriptum inspecturis Eustachius dei gratia London episcopus salutem eternam in domino Noverit universitas vestra quod cum dilectos in Cristo filios priorem et conventum de Acre ex una parte et dominam Emmam de Burnha[m] ex altera super ecclesia de Sturemera questio verteretur utraque pars sponte simpliciter et absolute super omnibus querelis occasione dicte ecclesie inter ipsos motis se nostre subiecit ordinationi Nos igitur de consilio prudentum et iuris peritorum ita duximus ordinandum videlicet quod prefati prior et monachi de Acre unam dimidiam marcam ad sustentationem infirmorum eiusdem loci a rectore dicte ecclesie qui pro tempore fuerit singulis annis percipient ad festum sancti Michaelis eisdem persolvendam Ita quod nec in dicta ecclesia nec in advocatione eiusdem ecclesie aliquid iuris sibi vendicare poterunt nisi solam dictam dimidiam marcam eisdem caritatis intuitu a nobis concessam Concedimus insuper eisdem monachis unam marcam argenti de ecclesia de Roinges de Plumbo annuatim percipiendam sicut ex confirmatione virorum venerabilium R et G predecessorum nostrorum ab antiquis temporibus percipere consueverunt Hec igitur eisdem concessimus et auctoritate episcopali confirmavimus salvis in omnibus iure et dignitate London ecclesie Si qua vero alterutra partium habuit instrumenta contra hanc nostram ordinationem facientia quantum ad hoc pro irritis habeantur et cancellatis et ut hec nostra ordinatio seu confirmatio rata permaneat futuris temporibus inconcussa presenti scripto sigillum nostrum apposuimus Hiis testibus domino Philippo de Falkeberg archidiacono Huntendon magistro Reginaldo tunc officiale Lundon Ricardo Haket Ricardo de Berking David de Toke Hugone de Sibbeton Ricardo de Luitona clericis et aliis Datum apud Stranda[m] per manum magistri R dicti officialis iiii Nonas Maii pontificatus nostri anno quarto