Charter Document - 03290210
| Charter Number: | 03290210 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Eustachius dei gratia London episcopus salutem in domino Illis precipue est subveniendum qui non solum temporalibus sed etiam proprie voluntati renuntiantes spontaneam pro Cristo elegerunt paupertatem Hinc est quod necessitatibus pauperum monialium de Blakebergh compatientes et laudabilem earumdem conversationi necnon et religionis fervorem attendentes ipsis unam marcam argenti annuam ad festum sancti Michaelis percipiendam de ecclesia de Parva Sandon caritatis intuitu concessimus et episcopali auctoritate qua domino concedente fungimur confirmavimus salvis in omnibus iure et dignitate London ecclesie In huius rei testimonium presenti scripto sigillum nostrum duximus apponendum Dat apud Stranda per manum magistri Reginaldi xvii Kalendas Novembris pontificatus nostri anno sexto