Charter Document - 03290204
| Charter Number: | 03290204 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1199 - 1214 |
| Date type: | Assigned |
| Resource Link(s): |
|
Charter:
Willelmus dei gratia London episcopus universis sancte matris ecclesie filiis presentem cartam inspecturis salutem in domino Cum specialiter incumbat officio pastorali ea que in usus pios provide sunt concessa auctoritate pontificali roborare nos predecessorum nostrorum Gilberti scilicet et Ricardi vestigiis inherentes eorum autenticis que perspeximus edocti plenius et instructi attendentes etiam dilectorum filiorum monachorum Westm honestatem et eorum indemnitati affectione speciali in quantum possumus prospicere cupientes quasdam ecclesias suas nostre iurisdictionis ipsis auctoritate episcopali presentisque scripti patrocinio expressis nominibus ipsarum ecclesiarum duximus confirmandas ecclesiam videlicet sancti Martini de la Cherring cum pensione viginti solidorum ecclesiam sancti Clementis prope Templum cum pensione quinque solidorum ecclesiam sancti Dunstani cum pensione sexdecim solidorum ecclesiam sancte Brigide cum pensione unius marce ecclesiam sancti Martini de Ludgate cum pensione quindecim solidorum ecclesiam sancti Albani cum pensione unius marce ecclesiam sancte Agnetis cum pensione septem solidorum ecclesiam sancti Clementis de Candelwykestret cum pensione triginta duorum denariorum ecclesiam sancti Iacobi in Vineteria cum pensione viginti solidorum ecclesiam sancti Laurentii apud pontem cum pensione viginti solidorum ecclesiam sancti Mathei cum pensione decem solidorum et terram que est iuxta eam et ad eam pertinet que reddet quatuordecim solidos ecclesiam sancte Margarete prope pontem cum pensione [decem solidorum medietatem ecclesie sancti Magni Martyris prope pontem cum pensione] unius marce ecclesiam de Wokindon cum pensione viginti solidorum ecclesiam de Kelleveden cum pensione centum solidorum ecclesiam de Fering cum pensione viginti solidorum ecclesiam de Sabricheswrth ad sacristam corum pertinentem cum pensione centum solidorum ecclesiam de Hendon cum pensione duarum marcarum capellam de Theye cum pensione dimidie marce decimas de Roinges ad officium cantoris pertinentes Hec igitur ut perpetua stabilitate gaudeant presentis pagine inscriptione et sigilli nostri testimonio roboravimus Hiis testibus magistro Ranulfo magistro Willelmo de Purlee magistro Philippo de Hadham canonicis sancti Pauli Stephano clerico vicario de Stanes Willelmo Andegavens clerico domini episcopi Uliano Chendeduit senescallo Westm Odone aurifabro Roberto de Crokesle Stephano de Berking et multis aliis