Charter Document - 03290198
| Charter Number: | 03290198 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1207 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Willelmus dei gratia London episcopus salutem in domino Ad universitatis vestre notitiam volumus pervenire nos cartas venerabilium patrum et predecessorum nostrorum Gilleberti et Ricardi inspexisse per quas nobis fides facta est eosdem predecessores nostros ratam habuisse donationem et concessionem factam ab Hamone filio Gaufridi et herede ipsius super ecclesia de Scaudeford felicis recordationis Reginaldo Bathon episcopo et ecclesie sancti Andree de Well ita quod iamdicta ecclesia prebenda perpetuo in ecclesia de Welln consistat Nos itaque predictorum patrum nostrorum et predecessorum vestigiis inherentes supradictam ecclesiam de Scaudeford cum omnibus pertinentiis suis libere et quiete Wellensi ecclesie in prebendam concedimus et ut in perpetuum Welln ecclesie prebenda consistat assignamus concedentes quod Bathon episcopus de ea sicut de aliis prebendis Welln ecclesie ordinet et disponat et quod eiusdem prebende canonicus debitas nobis et successoribus nostris consuetudines ad modum aliarum nostre diocesis ecclesiarum exsolvat Et ut canonicus cum ad prebendam illam ab episcopo Bathon fuerit electus ad nos vel ad successores nostros instituendus accedat Quod ut maioris firmitatis robur optineat presenti carta sigilli appositione munita confirmandum duximus et corroborandum Dat apud Stub sexto Nonas Iulii anno ab incarnatione domini millesimo CCVII Hiis testibus magistro Simone de Gloec magistro Gilleberto de Plesset Eustachio de Norwic Henrico de Poterna magistro Michaele de Barbesl Willelmo de Hethfeld Fabiano de Ripton et aliis