Charter Document - 03290194
| Charter Number: | 03290194 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1220 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presens scriptum inspecturis Willelmus dei gratia London episcopus salutem in domino sempiternam Ad universitatis vestre notitiam volumus pervenire nos ad presentationem dilecti in Cristo filii Willelmi persone de Rocheford de assensu etiam et voluntate Iohannis de Rocheford eiusdem ecclesie patroni W capellanum ad perpetuam dicte ecclesie vicariam admisisse ipsumque in eadem perpetuum vicarium instituisse Percipiet autem dictus W nomine vicarie sue certas et distinctas portiones scilicet altare cum omnibus oblationibus et obventionibus similiter cum legato ecclesie et omnes minutas decimas omnium parochianorum totius ville integre et decimas de marisco qui vocatur Sundree et omnes decimas de dominio exceptis garbis et feno et pannagio et decimis de marisco qui vocatur Nasse Preterea percipiet predictus W omnes decimas totius feodi Wiardi tam in garbis quam in aliis et decimas omnes triginta acrarum quas tenet Simon Mansel de feodo de Rocheford tam in garbis quam in aliis et decimas omnes terre Alani de Bici et Alwithe vidue tam in garbis quam in aliis Possidebit insuper memoratus W in perpetuum terram quam dominus Iohannes de Rocheford dedit eidem ecclesie ad edificium vicarii faciendum ubi Andreas domos suas edificavit Habebit etiam idem W duas acras in campo domini seminatas annuatim et collectas unam scilicet frumenti et alteram avene quas Iohannes de Rocheford dedit ecclesie de Rocheford ad inveniendam unam lampadem singulis noctibus per annum in eadem ecclesia ardentem et singulis diebus per annum ad servitium et ipse W lampadem illam inveniet Insuper et omnia onera episcopalia et archidiaconalia debita et consueta dictus vicarius sustinebit Quod ut perpetue robur optineat firmitatis presenti scripto sigillo nostro munito duximus roborandum Hiis testibus magistris Willelmo de Purl et Iohanne de Storteford Martino de Bocking Stephano de Esseleia Galfrido de Vallibus Radulfo de Herlau Rogero de Lond qui hoc scripsit et aliis Dat apud Pritewell anno domini MCCXIX xi Kalendas Aprilis pontificatus nostri anno vicesimo primo