Charter Document - 03290192

Willelmus dei gratia London episcopus omnibus Cristi fidelibus per episcopatum London constitutis salutem gratiam et benedictionem Singulis quidem provisioni nostre subiectis paterna tenemur sollicitudine providere illis tamen iure quodam speciali tenemur astricti qui pompam seculi fugientes paupertatem voluntariam amplectuntur et improperium Cristi extra castra portantes sub religioso habitu et victu tenui in humilitatis acte Cristo cupiunt complacere Ea propter attendentes eam qua premuntur prior et canonici de Ginges urgentis simam paupertatem vestigiis quoque predecessorum nostrorum G et R bone memorie Londonien episcoporum nichilominus inherentes ecclesiam sancti Egidii de Ging cum omnibus ad ipsam spectantibus eisdem canonicis auctoritate episcopali confirmavimus ipsosque in eiusdem possessionem corporaliter duximus inducendos statuentes ut due partes omnium obventionum tam in decimis quam ceteris rebus preter redditus et homagium que ad ipsos pleno iure pertinebunt in usus eorumdem sine qualibet diminutione convertantur residuis omnibus cum ecclesie manso et dominica terra ad vicarium perpetuum quem ad presentationem eorumdem canonicorum diocesanus episcopus duxerit admittendum spectantibus Quicumque sane vicariam illam optinuerit omnes episcopales consuetudines cum archidiaconi procuratione sustinebit Ut autem hec nostra confirmatio futuris temporibus perseveret illesa eam presenti scripto sigilli nostri appositione munito roboravimus Hiis testibus magistro I de Cantia cancellario magistro G de Pleiseto canonico London Girardo capellano magistro Michaele Willelmo de Hatfeld Iohanne et Milone clericis et multis aliis Dat apud Brokeburn pridie Idus Iunii anno ab incarnatione domini MCC quinto