Charter Document - 03290186
| Charter Number: | 03290186 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1199 - 1221 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Willelmus dei gratia London episcopus eternam in domino salutem gratiam et benedictionem Ad universitatis vestre notitiam volumus pervenire nos divine pietatis intuitu et concurrente consensu capituli nostri de London priori et monachis sancte Marie Magdalen de Stanesgat totam ecclesiam de Steple cum omnibus pertinentiis suis dedisse concessisse et confirmasse in proprios usus in perpetuum scilicet totam terram ad dictam ecclesiam pertinentem et omnes decimas maiores et minores de dominico Radulfi filii Brienni apud Steple et omnes decimas maiores et minores de dominico Gileberti Foliot et omnes decimas de tota terra Mauritii comitis et omnes decimas de Rami[n]geseye et omnes decimas de tota terra que vocatur Aylewelond similiter de tota terra que [vocatur] et omnes decimas de tota terra que vocatur Hyda Hervei et omnes decimas de toto feodo qui vocatur Kores Hethefe Quod ut perpetue robur optineat firmitatis presenti scripto sigillo nostro munito duximus confirmandum Hiis testibus magistro Iohanne de Rofa magistro Alano de Wintonia magistro Willelmo de Hertford domino Iohanne de sancto Albano et multis aliis