Charter Document - 03290178
| Charter Number: | 03290178 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1215 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus dei gratia London episcopus salutem in domino sempiternam Dignum est et rationi consonum ut eorum qui operibus caritatis intendunt promotioni favorem episcopalem efficatius inpendamus ne necessitate conpulsi a pietatis officio retrahantur Attendentes igitur dilectorum filiorum prioris et conventus sancti Neoti religionis fervorem et hospitalitatis frequentiam largiorem eis de assensu et voluntate nobilis viri Roberti filii Walteri patroni ecclesie de Wimbisse consenciente capitulo nostro Lond intuitu pietatis concessimus de eadem ecclesia de Wimbisse annuum beneficium sex marcarum per manum eiusdem ecclesie rectoris quicumque in eadem a nobis vel successoribus nostris instituetur ad duos terminos anni perpetuo percipiendum scilicet ad festum sancti Iohannis Baptiste tres marcas et ad festum sancti Andree tres marcas Quod ut debite firmitatis robur optineat presenti scripto sigilli nostri appositione munito duximus confirmandum Hiis testibus