Charter Document - 03290166
| Charter Number: | 03290166 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1220 - 1221 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus dei gratia Lond episcopus salutem in domino sempiternam Ad universitatis vestre notitiam volumus pervenire nos pro salute anime nostre deo et ecclesie sancti Pauli Lond dedisse concessisse et assignasse ad sustentationem elemosine ecclesie illas duas marcatas redditus quas Agnes uxor quondam Galfridi Bonehaye de assensu heredum suorum nobis vendidit et quas Willelmus filius Isabelle pater suus dedit in maritagio predicto G viro suo et quas Ricardus Trav[er]s tenuit de predicto Willelmo partim in Bradstrate et partim in celario sub selda que est de feodo hospitalis sancti Bartholomei habendas et tenendas in perpetuum et distribuendas per manum elemosinarii in usus pauperum necessarios ad terminos qui continentur in carta quam habemus de sepedicta Agnete filia Willelmi Et ut hec donatio concessio et assignatio perpetuam optineat firmitatem eam testimonio pagine presentis et sigilli nostri munimine confirmavimus Hiis testibus Roberto decano sancti Pauli W archidiacono Lond W archidiacono Midd Rogero archidiacono Colec Petro thesaurario sancti Pauli et aliis