Charter Document - 03290163
| Charter Number: | 03290163 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus dei gratia London episcopus salutem in eo qui est vita et salus Ad universitatis vestre notitiam volumus pervenire nos concessisse et autoritate qua fungimur episcopali confirmasse Benedicto de Sausetun quem nos in ecclesia beati Pauli London precentorem instituimus et successoribus suis in eadem ecclesia in officio precentorie ministraturis ecclesiam de Soresdich iuxta civitatem London sitam cum pertinentiis suis quam venerabilis dominus Iohannes dei gratia illustris rex Anglor precentorie prefate ecclesie London de petitione et assensu nostro in perpetuum liberaliter assignavit Quod ut stabile et inconcussum perseveret in perpetuum presenti scripto et sigilli nostri appositione dignum duximus confirmandum Hiis testibus Alardo decano ecclesie London Ricardo archidiacono Esex Ricardo archidiacono Colecestr magistro Iohanne cancellario magistro Ranulpho et magistro Gileberto canonicis Gerardo et Ricardo cappellanis Henrico de Potern magistro Michaele Willelmo de Hatfeld Iohanne de Waltham et pluribus aliis