Charter Document - 03290156

Omnibus Cristi fidelibus ad quos presens scriptum pervenerit Willelmus dei gratia London episcopus salutem in domino sempiternam Ad universitatis vestre notitiam volumus pervenire nos pie recordationis Roberti Gileberti Ricardi predecessorum nostrorum cartas inspexisse ex quarum tenore perpendimus evidenter ipsos dilectis filiis priori et canonicis sancte Trinitatis London ecclesiam de Brumfeld divine pietatis intuitu contulisse et eis eandem habendam et perpetuo possidendam confirmasse Nos igitur in piis et providis eorumdem dispositionibus ipsorum vestigiis inherentes predictis canonicis ecclesiam memoratam auctoritate episcopali qua fungimur confirmamus statuentes ut ipsi canonici per manum vicarii ipsius ecclesie quicumque pro tempore fuerit nobis vel successoribus nostris ab eis presentatus centum solidos de eadem ecclesia percipiant annuatim ad duos terminos scilicet ad festum sancti Michaelis quinquaginta solidos et ad Pascha quinquaginta solidos Idem autem vicarius omnia onera ipsius ecclesie consueta et debita sustinebit Ut autem ea que a nobis sollempniter acta sunt debitam optineant firmitatem nos ea presentis scripti attestatione et sigilli nostri munimine duximus roboranda Hiis testibus Alardo decano Gileberto archidiacono Gervasio cancellario London Ricardo archidiacono Essex magistro Roberto de Watford canonico sancti Pauli magistro Willelmo de Purl Mauricio de Herlau Radulfo de Fuleha et Martino clericis et aliis Dat anno domini MCCXIIII iii Idus Iulii pontificatus nostri anno XVI