Charter Document - 03290152
| Charter Number: | 03290152 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 |
| Date type: | Internal, A.D. |
| Resource Link(s): |
|
Charter:
W dei gratia London episcopus dilectis in Cristo filiis P priori et conventui sancte Trinitatis London salutem gratiam et benedictionem Si qua locis religiosis et in eisdem deo servientibus provida deliberatione ex fidelium largitione conferuntur ipsa quidem rata habere et ad cautelam futurorum episcopali auctoritate volumus confirmare Ea propter karissimi in Cristo filii ne super hiis qui hactenus pacifice possedistis quies vestra cuiuslibet possit inposterum malitiosa inquietate turbari decimas dominici de Benedis necnon et decimas dominici quondam H[er]vei de Bataille in parochiis de Stapelford et de Lambourn decimas quoque dominici vestri in Luiton cum omni integritate qua ipsas diebus nostris pacifice possedistis auctoritate episcopali vobis concedimus et presentis carte nostre munimine confirmamus Dat die apostolorum Symonis et Iude apud Stelbenhuth anno ab incarnatione domini MCC sexto Hiis testibus magistro I de Cant cancellario magistro G de Plesset canonico Lond S de Gloucestr et M de Barbefflet magistris fratre Herberto canonico sancti Laudi et aliis multis