Charter Document - 03290142
| Charter Number: | 03290142 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1205 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Willelmus permissione divina London episcopus salutem in domino Noverit universitas vestra quod nos de assensu et voluntate capituli nostri et de concessione domini Iohannis regis Angl liberavimus et assignavimus novas placeas in Chelmersford ad utilitatem et emendationem ecclesie nostre et successorum nostrorum episcoporum London in loco [in quo] novum forum ad opus ecclesie et episcoporum London de dono prefati Iohannis regis Angl adquisivimus quarum unam de quatuor perticis in fronte que iacet inter terram Rogeri Vinitoris et pontem de Chelmeresforde dedimus et concessimus Iohanni de Witham servienti nostro et heredibus suis libere quiete et honorifice de nobis et successoribus nostris tenendam per duodecim denarios nobis et successoribus nostris per annum videlicet in festo sancti Michaelis iii denarios in natali domini tres denarios in festo Pasche tres denarios in festo sancti Iohannis Baptiste tres denarios inde reddendos pro omni servitio Ut autem hec donatio et concessio nostra firmum et perpetuum robur optineat eam presenti scripto sigilli nostri appositione munito roboravimus Hiis testibus A decano London Iohanne cancellario London magistro Gilberto de Plass canonico London Hugone Peverell presentor sancti Martini London magistro Willelmo de Poterna Rannulfo de Bisaciis canonico London Henrico de Poterna Willelmo de Bokynggeham Willelmo de Hadf clericis magistro Michaele et aliis