Charter Document - 03290141
| Charter Number: | 03290141 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1205 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presens carta pervenerit Willelmus dei gratia London episcopus salutem in domino Noverit universitas vestra quod nos de assensu et voluntate capituli nostri et de concessione domini Iohannis regis Anglor liberavimus et assignavimus novas placeas in Chilmeresford ad utilitatem et emendationem ecclesie nostre et successorum nostrorum episcoporum London in loco in quo novum forum ad opus ecclesie et episcoporum London de dono prefati I regis Angl adquisivimus quarum unam illam scilicet que fuit Roberti de Maringny cum domibus que fuerunt eiusdem Roberti et preterea dimidiam acram terre arabilis in eadem villa dedimus et concessimus Maugero de Bosco et heredibus suis tenendam de nobis et successoribus nostris libere quiete et honorifice per duos solidos nobis et successoribus nostris annuatim inde reddendos videlicet in festo sancti Michaelis vi denarios in natali domini vi denarios in Pascha vi denarios in festo sancti Iohannis Baptiste vi denarios pro omni servitio Ut autem hec donatio nostra firmum et perpetuum robur optineat eam presenti scripto sigilli nostri appositione munito confirmandam duximus Hiis testibus magistro Iohanne de Cantia cancellario sancti Pauli London magistro G de Pleisseto canonico sancti Pauli London Thoma de Bensinton Henrico de Poterna Willelmo de Bukingham Willelmo de Hethfeld Dat apud Simenistr in crastino sancte Osithe anno ab incarnatione domini MCC quinto